732 Бардыгы /

ЖАЛАЛ-АБАД. Сузак районунун Ырыс жана Сузак айыл аймагындагы жалгыз бой жана мүмкүнчүлүгү чектелген эки үй-бүлөгө турак жай куруп, пайдаланууга берди.

Саамалыкка Президенттин Жалал-Абад облусундагы ыйгарым укуктуу өкүлүнүн биринчи орун басары Мамасалы Акматов, жергиликтүү бийлик жетекчилери жана айыл тургундары катышты.

Турак жай салууга жеке ишкер Абдумалик Абдурахманов демөөрчүлүк кылган. Облус башчысынын орун басары коомдун аярлуу катмарындагы үй-бүлөлөргө колдоо көрсөткөн ишкерлердин караты калыңдап баратканын, бул демилге мамлкеттин социалдык көйгөйлөрүн чечүүгө болгон жардам экенин билдирди.

Ишкер бул менен жалпы үч турак үй куруп, ээлерине тапшырды. Учурда Кызыл-Туу айыл аймагында да бир үйдүн курулушу жүрүүдө.