1,161 Бардыгы /

ЖАЛАЛ-АБАД. Бүгүн, 22-февралда К.Ш. Токтомаматов атындагы Эл аралык университеттин (ЭАУ, Жалал-Абад ш.) спорт залында Эл аралык Кыргыз-Түрк лицейинин башталгыч класстарынын окуучулары жана алардын аталары үчүн “Үй-бүлөбүздүн баатыры!” аттуу майрамдык спорттук иш-чара 23-февраль – Мекен коргоочуларынын күнүнө карата өткөрүлдү.

ЭАУнун Кесиптик багыт берүү ж/а коомчулук менен байланыштар кызматы билдиргендей, майрамдык иш-чаранын башталышында аскердик, патриоттук ырлар аткарылды. Андан кийин окуучулардан, алардын аталарынан түзүлгөн “Чагылган” жана “Майтарылбас күч” аттуу эки команданын жарыш оюндары өткөрүлдү. Жарыш оюндарында “Чагылган” командасы жеңишке ээ болду, бирок катышуучулар үчүн негизинен достук жеңди. Майрамдык иш-чара жалпысынан абдан кызыктуу, шаңдуу болду. Соңунда бардык катышуучуларга эстелик медалдар берилди. Окуучулардын ата-энелери ЭАУнун лицейинин, дене тарбия жана спорт кафедрасынын жетекчилигине майрамдык иш-чараны сонун уюштургандары үчүн ыраазычылык билдиришти.