2,994 Бардыгы /

БИШКЕК. Бүгүн, 22-июль күнү Бишкектеги “Динамо” спорт комплексинде кызмат учурунда курман болгон милициянын генерал-майору Чыныбек Алиевдин жаркын элесине арналган футбол боюнча ИИМдин кубогу үчүн мелдеш башталды.
ИИМдин басма сөз кызматы билдиргендей, мелдештин ачылыш аземине Кыргыз Республикасынын Ички иштер министринин биринчи орун басары, милициянын генерал-майору Адылбек Бийбосунов, Чүй ОИИББнын башчысынын орун басары милициянын полковниги Руфат Абдуразаков, Кыргыз дене-тарбия спорттук “Динамо” коомдук бирикмесинин төрагасынын биринчи орун басары башчысы Төрөкул Мадалиев, Чыныбек Алиевдин туугандары, ошондой эле ИИОнун бөлүмдөрүнөн келген командалар катышты.
Ички иштер министринин биринчи орун басары, милициянын генерал-майору
А.Бийбосунов Чыныбек Алиевдин жакындарына, мелдешти уюштуруучуларга жана катышуучуларына жакшы сөздөрүн айтып, генералдын эрдиктерин эскерип
кетти: -“Бүгүн биз кызмат учурунда курман болгон Чыныбек Алиевдин жаркын
элесине арналган футзал боюнча салтка айланган мелдеш өткөрүп жатабыз.
Эли, жери үчүн ак кызмат кылып, өз өмүрүн тобокелге салып, элдин
тынчтыгы үчүн өз өмүрүн аябаган эр жүрөк кызматкерибиз менен
сыймыктанабыз. Чыныбек Алиев кызматтык ишмердүүлүгүндө ар кандай
жетекчилик кызматтарды аркалаган. Ал ИИМдин Кылмыш иликтөө башкы
башкармалыгынын башчысы, Ош шаардык ИИБнин башчысы кызматтарында
жигердүү иш алып барган. Чыныбек Алиевдин мекен үчүн кылган эрдиги башка
кызматкерлерибиз үчүн үлгү жана өрнөк».
Мелдештин ачылыш аземинде Чыныбек Алиевдин жубайы Диларам Мамажанова,
кызмат учурунда ар бир милиция кызматкери үй-бүлөсүнө аман-эсен кайтып
барышын тилеп, ар жыл сайын мелдешти уюштурган ИИМ жетекчилерине
ыраазычылыгын билдирип, катышуучуларга ийгилик каалады.
Аталган турнир 22-24-июнь күндөрү болуп өтүп, жыйынтыгында жеңүүчүлөргө
байгелер тапшырылмакчы.