1,500 Бардыгы /

Бишкекте 17-сентябрда төртүнчү эл аралык «BMW Snow Leopard Run 2023» кайрымдуулук жарым марафону өтөт. Спорттук иш-чараны Nomad Sport коомдук бирикмеси уюштурууда.

Жарыш салттуу түрдө борбордук «Ала-Тоо» аянтынан башталат. Маршрут Чүй кең көчөсүн, Юсуп Абдрахманов көчөсүн, ВДНХ жана Чыңгыз Айтматов кең көчөсүн камтыйт. Быйыл жарым марафонго 5 миңдей адам катышаары күтүлүүдө.Учурда 5 км, 14 км, 21.1 км аралыктарга жана 1 км тилектештик аралыгына чуркоого, о.э. үч жаштан тогуз жашка чейинки балдар үчүн «Kulikov Kid’s Run» балдар жарышына катышуугакаттоо ачылды.

«Биздин жарым марафон кыргызстандыктар арасында активдүү жашоо мүнөзүн жана ден соолукту чыңдоо идеяларын жайылтат. Ошону менен бирге анын ар бир катышуучусу жалпы соопчулук ишке салымын кошо алат, себеби каражаттардын бир бөлүгү салттуу түрдө кайрымдуулук максаттарга жумшалат. 2019, 2021 жана 2022-жылдын жыйынтыгы боюнча«Ысык-Көл» биосфералык аймагынын егерлери үчүн фото капкандарды, «Нива» автомобилин сатып берүүгө, ошондой эле Дөлөн Өмүрзаков атындагы стадионго воркаут аянтча орнотууга каражат жыйноого мүмкүн болду. Быйыл баштапкы салымдардын бир бөлүгүн Гареев ат. Ботаникалык бакчаны колдоого багыттоо пландалып жатат», – дейт Nomad Sport коомдук уюмунун төрагасы Арслан Малдыбаев.

Жарышка катышууну каалаган бардык жарандарwww.nomadsport.netсайтына каттоодон өтө алат.

Кошумча маалымат боюнча +996 554 60 07 07 телефонуна жана office@nomadsport.kg электрондук почтасына кайрылыңыздар.

КЫСКАЧА МААЛЫМАТ

Nomad Sportкомпаниясы – пикирлеш-энтузиасттар тобу Кыргызстандагы массалык спортту жана сергек жашоо мүнөзүн кеңири жайылтууну чечкен 2018-жылы түзүлгөн. Бүгүнкү күнү Nomad Sport чуркоо, велоспорт жана сууда сүзүү сыяктуу спорттун үч түрүнө колдоо көрсөтүүдө, ошондой  эле чуркоо, вело жарыш, сууда сүзүү, триатлон ж.б. ушул сыяктуу багыттарда эң көрүнүктүү спорттук иш-чараларды уюштуруп келет.

«BMW Snow Leopard Run» иш-чарасынын программасы

15-16-сентябрь

10:00 – 20:00 – Жарыштын катышуучулары үчүн старт пакеттерин таратуу (локация такталат)

10:00 – 20:00 – иш-чаранын өнөктөштөрүнөн ЭКСПО жарманкеси

17-сентябрь

5:30 – Ала-Тоо аянтында старт шаарчасында катышуучуларды топтоо (21,1 км жана 14 км). Сактоо жана кийим которуу бөлмөлөрүн ачуу

6:00 – Иш-чаранын ачылышы

6:40 – Катышуучулар үчүн даярдык көнүгүүлөрүн жасоо (21,1 км жана 14 км). 

7:00 – 21,1 км аралыкка жарыштын башталышы

7:05 – 14 км аралыкка жарыштын башталышы

8:15 – Катышуучуларды топтоо (5 км аралык). Сактоо бөлмөсүн ачуу (Ормон хандын эстелиги, «Ак-Кеме» мейманканасы жакта)

8:40 – Иш-чаранын ачылышы. Даярдык көнүгүүлөрүн жасоо

9:00 – 5 км аралыкка жарыштын башталышы

9:45 – «Ала-Тоо» аянтындагы старт шаарчасында катышуучулар үчүн (1 км аралык) даярдык көнүгүүлөрү

10:00 – 1 км аралыкка жарыштын башталышы

10:45 – Балдар жарышына катышуучулар үчүн даярдык көнүгүүлөрүн жасоо

11:00 – Балдар жарышына катышуучулары үчүн старт (500 м, 200 м, 100 м)

13:00 – Иш-чаранын жабылышы

*С 9:30 до 13:00 – Жеңүүчүлөрдү сыйлоо (жыйынтыктардын даяр болушуна жараша), о.э. шоу-программа жана интерактивдер.

Команда  Бюро  коммуникаций ТАГС