9,830 Бардыгы /

Урматтуу айымдар: апалар, эжелер, карындаштар! Сиздерди 8-Март майрамыңыздар менен куттуктайм! Жергебизге жаздын келиши Сиздердин майрам менен башталат. Жаз мезгили да аялзатынын өзүнө окшош. Анын мээрими менен жер энебиз жибип, жаратылышка жан кирет. Аялзатынын эң кымбат, баарынан асыл, ыйык милдети – улуу табигат тартуулаган энелик бакыт болгондуктан эң биринчи орунда үй-бүлөлүк бакыт таалай каалайм. Үй-бүлөдө тынчтык, бейпилдик, ынтымак болсо, мамлекетте да ынтымак болот. Ал эми ынтымак бар жерде – ырыс бар. Ынтымакта, биримдикте болсок, Кыргызстаныбыз гүлдөп-өсөт. Ошол ар бир үйдө бейпилдикти камсыз кылып, ынтымакты сактагандар – бул биринчи ирет энелер, аялдар. Анткени “Аял – үйдүн куту” деп бекеринен айтылган эмес. Сиздер бар үчүн адамзат бар! Майрамыңыздар кут болсун!
Мураталы ТАГАЕВ, Жалал-Абад шаардык кеңештин төрагасы