84 Бардыгы /

Бүгүн, 25-февралда  “Улуттук дем – дүйнөлүк бийиктик” уңгу жолунун алкагында уюштурулган форумдун II этабы болуп өттү. Иш-чара Кыргыз Республикасынын Президентинин Администрациясынын 2026-жылдын 30-январындагы токтомуна ылайык өткөрүлдү.

Форумга Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Урмат Самаев, ошондой эле район жана шаар жетекчилеринин орун басарлары, чыгармачыл союздардын жана илимий интеллигенция өкүлдөрү катышты.

Иш-чаранын негизги максаты — чыгармачыл союздардын жана илимий интеллигенциянын потенциалын бириктирүү, улуттук маданий өнүгүүнүн артыкчылыктуу багыттарын аныктоо жана мамлекеттик маданий саясатты ишке ашырууга багытталган сунуштарды иштеп чыгуу болуп саналат.

Жыйында чыгармачыл жана илимий чөйрөнүн коомдогу ролун жана социалдык статусун жогорулатуу, тармактагы актуалдуу көйгөйлөрдү аныктоо, аймактардан түшкөн сунуштарды жалпылоо жана концептуалдык чечимдерди иштеп чыгуу маселелери каралды. Ошондой эле мамлекеттик органдар, чыгармачыл жана илимий чөйрө менен коомчулуктун ортосундагы диалогду чыңдоо зарылдыгы белгиленди.

Форумдун жыйынтыгында айтылган сунуштар мамлекеттик маданий саясатты өркүндөтүүгө багытталып, тиешелүү органдарга жолдонору маалымдалды.