4,937 Бардыгы /

9-Май Улуу жеңишке 69 жыл. Улуу жеңиштин өзгөчө эрдик көрсөткөн Советтер Союзунун баатыры Тукубай Тайгараевдин урматына анын эстелиги орнотулуп, дал ушул күн ачылуу аземи болуп өттү. Аталган аземге КР өкмөтүнүн вице-премьер министри Д. Валерий, Жогорку Кеңештин депутаты А. Ражавалиев, КР өкмөтүнүн Жалал-Абал облусундагы Ыйгарым укуктуу өкүлү Ж. Жээнбеков, Жалал-Абад облусунун район шаарларынын жетекчилери жана жер-жерлерден келген коноктор катышышты.
Бул майрамдык иш чара алгач Кулбайуулу айылындагы Т. Тайгараев атындагы үй музейинин ачылышынан башталды. Ал жер Т. Тайгараевдин өзүнүн жашаган үйү. Андан соң эстеликтин жайгашкан жеринде аны ачуу аземи болуп, Т. Тайгараевдин жана Улуу Ата-Мекендик согуштун катышуучуларынын урматына гул дестелер коюлуп, бир мүнөттүк эскерүү болуп куран түшүрүлдү.
Майрам менен жергиликтүү тургундарды майрамы менен куттуктап облус жетекчи төмөнкүлөрдү билдирди.
-Урматтуу кыргыз элим биз үчүн бул күн орду толгус өзгөчө күн. Анткени кырчындай кезинен согушка аттанып, элим-жерим деп курман болгон аталарыбыздын Улуу жеңишти бизге алып берген күнү. Эгер ал аталар болбосо биз мындай жарыкчылык жашоодо жашамак эмеспиз. Ошондуктан ал аталар менен дайыма сыймыктанабыз жана жүрөгүбүздүн түбүндө сактайбыз. Ал эми азыркы күндө биздин арабызда жүргөн аталарыбызды колубуздан келишинче сыйлап, кадырлап, барктап, алардын амандыгы үчүн колубуздан келген аракетибизди көрөбүз.
Мына бүгүн Советтер союзунун баатыры Т.Тайгараевдин эстелигинин ачылуу аземинде турабыз. Элибизге дем күч бере турган бул эстеликти тургузууга жардам көрсөткөн, бүткөнгө чейин кол-кабыш кылган жана 9-майга чейин бүтө албайсың деп мыйыгынан күлүп өткөн жалпы мекендеш, бир туугандарыбызга ыраазычылык билдирем,- деди Ж.Жээнбеков.
Ачылуу аземинен соң согуштун ветерандарына, келген меймандарга сый тамак жана өзгөчө согуштук каша тартылды.

Санрабия САТЫБАЛДИЕВА, “Аймак”