12 Бардыгы /

Бүгүн, 25-февралда Манас шаарында мектеп окуучуларынын республикалык предметтик олимпиадасынын шаардык этабынын жеңүүчүлөрү сыйланды.

Манас шаарынын мэриясынын маалымат борбору билдиргендей,

иш-чарага Манас шаардык кеңешинин төрагасы Нуртилек Болотов, мэрдин орун басары Гүлбарчын Таштанбекова, шаардык билим берүү бөлүмүнүн жетекчиси Жеңиш Байзаков, мугалимдер жана окуучулар катышты.

Республикалык предметтик олимпиаданын шаардык этабына 10-11-класстардан 593 окуучу катышып, анын ичинен 54 окуучу 1- 2- 3-орундарга татыды. Алардын 36сы алдыда өтүүчү облустук этапка жолдомо алышты.

Ал эми 8–9-класстардын окуучулары арасында өткөн билим сынагына 780 окуучу катышып, 75 окуучу байгелүү орундарды ээледи.

Белгилей кетсек, олимпиадага Манас шаарындагы 30 муниципалдык жана 10 жеке менчик мектеп менен лицейлердин окуучулары катышты.