2,004 Бардыгы /

4-январда Жалал-Абад облусунун ички иштер башкармалыгынын «Мекеним менин-Кыргызстан!» аттуу салтанаттуу жүрүшү өттү. Бул тууралуу башкармалыктын басма сөз кызматынын инспектору Таалайбек Сусунбаев билдирди.
Ага 500гө жакын милиция кызматкери катышты.Шаңдуу жүрүш Жалал-Абад шаарынан баштап, ок атуучу полигонго чейин чуркоо менен башталды.

Бул жүрүштө милиция кызматкерлери жана массалык маалымат каражаттарынын өкүлдөрүнө күжүрмөн даярдык боюнча сабактар өтүлүп, «Калашников» автоматынан ок атышып зачеттук сыноо тапшырышты. Андан кийин жетекчилик тарабынан ар бир кызматкердин эмерек мүшөктөрү текшерилди. Күжүрмөн даярдык боюнча граната ыргытуу, 100 метр аралыкка УАЗ автомашинасын сүйрөө сыяктуу мелдештери ар бир бөлүмдүн ортосунда өттү.

Жыйынтыгында жакшы даярдыктагы бөлүмдөргө, милиция кызматкерлерине дипломдор жана сыйлыктар тапшырылды.