1,584 Бардыгы /

Кыргызстандын Түштүк жергесинде Каныбек МУРАТОВду тааныбаган киши чанда. Анткени, бул дасыккан дарыгердин колунан көпчүлүгү дабаа дагы табышып, анан биротоло сакайышкан. Баса, маектешибиз өмүрүнүн эң соңку жылдарында Саламаттыкты сактоо тармагында жалаң гана жетекчилик кызматтарды абийирдүү аркалаган.

• Каныбек мырза, Сизди ушул тапта дасыккан адис катарында

эмнелер катуу түйшөлтүп жаткан чагы?

• Алишер, элибиз бекеринен айтпайт эмеспи. Биринчи байлык – ден

соолук. Ошондуктан, биз эң ириде саламатчылыгыбызга такай кам көрүүнү чындап эле унуттук. Экинчиден, өтө өкүнүчтүүсү: энеден тубаса кемтик төрөлгөндөр – майып балдар бара-бара көбөйүп гана баратат. Албетте, Улуттук генефондубузга мунун кесепети өтө чоң жана орду толгус!

•    Бул көйгөйдөн акыры кутулуунун деле жолу бардыр?
• Албетте, бар! Азык-түлүк коопсуздугу ар бир жарандын өзүнүн гана

көңүлүнүн борборунда болууга тийиш! Анан дагы буга улай санитардык-эпидемиологиялык көзөмөл дагы такай күчөтүлүүсү абзел!

•   Деги ден соолугунан мүмкүнчүлүгүн чектелгендерди Сиздер

кантип аныктап жатасыздар?

• Өлкөбүздө жарандардын ден соолугунан мүмкүнчүлүгү чектелгендиги

Кыргыз Республикасынын Министрлер кабинетинин 2016-жылдагы № 675-токтомунун негизинде гана аныкталат. Дартка чалдыккан жаран адегенде төрт ай туруктуу түрдө дарыланат. Мындай аракет таптакыр эле таасир этпегенде, үй-бүлөлүк дарыгерлер борбору аркылуу МСЭКке (медициналык социалдык экспертиза комиссиясына – автор) жөнөтүлөт.Аталган комиссия тийиштүү документтерди ар тараптуу терең изилдеп, анан бейтаптын ал-акыбалын дагы биротоло дыкаат аныктап, анан гана сөзсүз түрдө баалап, олуттуу критерийлерге ылайык ден соолугунан мүмкүнчүлүгү чектелген адам деп табат.

• Каныбек мырза. Сиздер деле пенде эмессиздерби. Кээде жаңылып-

жазасыздар да, туурабы?  Комиссия тарабынан жарандар ден соолугунан мүмкүнчүлүгү чектелбеген адам деп табылса, андайлар кантишет?

• Жарандармындай учурда Түштүк аймагы боюнча кеңейтилген

дарыгердик эксперттик комиссияга кайрылышат. Алар дагы буларды колдобосо, республикалык комиссияга даттанышат. Бишкек дагы арызды четке какса, анда макул эмес тарап сотко гана даттанат. Соттун чечими – акыркы, кайтарылбайт, ошондой эле милдеттүү түрдө аткарылууга гана жатат.

          Кепке тарткан: Алишер ТОКСОНБАЕВ, өз кабарчы