1,867 Бардыгы /

Маматов Жаныбек Ноокен райондук жерге жайгаштыруу жана кыймылсыз мүлккө укуктарды каттоо башкармалыгын башчысы.

Эмгек жамаатыбызда 32 кызматкерлер эмгектенишет. Биз элге кызмат көрсөтүүдө эмгек жамаатыбыз баарыбыз биргеликте акыйкаттуулукту жактап, адилеттүүлүк менен иш алып барабыз. Айтылган иш эртеңки күндө бүткөрүлөбү же бүткөрүлбөй калабы, иштин толук аткарылышын билип-билбей туруп, атуулдун көңүлү калбасын – деп, бүтпөй калуучу ишти дагы бүтөт – деп, айтып коюп, жалган болуп калганы абдан жаман. Биз мындагы адаттардан алыс болуп, иш аткаргыбыз келет. Боло турган ишти болот – деп, болбой турган ишти болбойт – деп, айткан жакшы.

Биз, 2018-жылы , 9 млн сомдук иш план кабыл алганбыз. Натыйжада иш планды 144,4 пайызга аткардык. Региондорду өнүктүрүү жана санариптештирүү жылы үчүн мамлекет тарабынан коюлган иштерди аткарууда көптөгөн иш аракеттерди аткарып жатабыз. Кээде, эл арасында талаш-тартыш маселелер дагы кездешпей койбойт. Мындагы маселелерди дагы акыйкат жолунда өз учурунда чечип берип жатабыз.

Иш аткаруудагы көрсөткүчүбүздүн мыкты жыйынтыгынын негизинде эмгек жамаатыбызга 5 компьютер принтери менен сатып алдык. Айтоор, иш аткарууда бизде алга жылуу болуп жатат, бирок , элди тейлөөдө учур талабына ылайык имаратыбыз жок. Бул маселе боюнча жетекчилерге кайрылып келе жатам. Андыктан, тийиштүү жетекчилер тарабынан 20 сотик жер алып, имарат куруп алсак жакшы болмок.

Эми учурдан пайдаланып, эмгек жамаатыбызды, өлкөбүз аймагында эмгектенип келишкен бардык кесиптештеримди 22-февраль кесиптик майрамы менен чын дилден куттуктайм. Бардыгынын ден-соолугу чын болуп, элге кызмат көрсөтүүдө иштеринде ийгиликтерди каалайм. Үй-бүлөсү менен бактылуу болуп, алдыдагы үмүт тилектери ар качан кабыл болсун.

Кепке тарткан Таалайбек Мавлянкулов “Аймак”.