БАТКЕНДЕ АБУ-НУР ЖАНА ДЖЕНГО КАЙМАНА АТТУУ ЖИХАДЧЫЛАР ЖАМААТЫНЫН МҮЧӨЛӨРҮ КАРМАЛЫШТЫ

2,676 Бардыгы /

БАТКЕН. Баткен облусуна караштуу Кызыл-Кыя шаарында жихадчылар жамаатынын үч мүчөсү кармалды. Бул тууралуу Кыргыз Республикасынын УКМКсынын басма сөз кызматынан билдиришти.

Баса, жихадчылар УКМКнын Баткен облустук башкармалыгы тарабынан кармалышты. Алар: 1993-жылы туулган Кызыл-Кыя шаарынын тургуну, «Абу Нур» каймана аты бар мурда соттолгон жааматтын башчысы; 1981-жылы туулган Кызыл-Кыя шаарынын тургуну, мурда соттолгон, жамааттын руханий насаатчысы болуп саналат. Маалыматтарга караганда, С.Бурятскийдин террористтик аудио-видео материалдарын таратат; 1992-жылы туулган Кызыл-Кыя шаарынын тургуну.“Дженго” каймана аты бар, Досоновдун кылмыштуу тобунун мүчөсү болгон, жамааттын мүчөлөрүнүн күжүрмөн жана дене тарбия даярдыгы үчүн жооптуу.

Баса, «Абу Нура» кылмыштуу тобу Сириядагы ЭТУнун согушкерлерине материалдык жардам көрсөтүү максатында бир нече жылдын ичинде бир катар каракчылык чабуулдарды жасаган. Жашаган жерлерин тинтүү иштеринин натыйжасында согуштук ок-дарылар, электрондук маалымат алып жүрүүчү каражаттары жана дагы бир катар диний адабияттар алынган. Кармалгандардын бири Баткен облусунун ИИБнын убактылуу кармоочу жайына киргизилип, анын эки шериги боюнча теологиялык экспертизанын корутундусу чыгарылып, анын жыйынтыгы менен тиешелүү чаралар көрүлмөкчү.