1,065 Бардыгы /

Баткен райондук сотунун чечимине ылайык Өзбекстандын Чоң-Гара анклавынан Кыргызстандын ЕАЭБ аймагына чыгууда кармалган Mercedes-Benz үлгүсүндөгү автоунаа акыры мамлекеттин пайдасына конфискацияланды. Бул тууралуу Мамлекеттик Бажы кызматынан билдиришти.

Эске салаарыбыз: «Оперативдүү» бажынын кызматкерлери Кыргыз Республикасынын УКМКсынын кызматкерлери менен биргеликте Кыргыз жараны К.О.Н башкаруусундагы Mercedes-Benz үлгүсүндөгү автоунааны кармашты. Бул автоунаанын жүк бөлүгүн текшеришкенде, ичинен жалпы салмагы 5 миң кило, ал эми баасы 100 миң сомду чапчыган дарбыздар табылган. Буларды К.О.Н Өзбекстан Республикасынан Кыргыз Республикасындагы ЕАЭБдин аймагына бажы көзөмөлүнөн тышкары мыйзамсыз түрдө ташып келүүгө аракет жасаган. Ошентип аталган автоунаа дароо кармалып, жагдайлар такталганга чейин Баткен шаарындагы убактылуу сактоочу кампанын аймагына жеткирилди. Ал эми К.О.Н аттуу жаранга карата 60 миң сом айып салынды. Товарлар 116 миң 865 сом өлчөмүндө эки эселенген бажы төлөмдөрүн алуу менен бажылык тариздөөдөн өткөн.

Алишер ТОКСОНБАЕВ, өз кабарчы