1,530 Бардыгы /

ОШ. Кыргызстандын Түштүк башкалаасынын биринчи вице-мэри Марс Исаев мыйзамсыз курулган делген “Изюм” конок үйүнө таптакыр тиешеси жоктугун кабарчыбызга  билдирди.

• “Изюм” конок үйү мага караштуу эмес! Анын өзүнүн кожоюну

бар. Мага эч кандай тиешеси жок! Ижарага алып иштеткениме эки жыл болду. Анан башка бирөөгө бергенмин. Ошол өзү иштетип жатат. Менин ал жакка таптакыр тиешем жок! – деп кошумчалады Ош шаарынын биринчи вице-мэри Марс Исаев.

Баса, Ош шаардык прокуратурасы “Изюм” конок үйүнүн мыйзамсыз курулгандыгын аныктады. Бул фактынын негизиниде “Изюм” конок үйүнүн ээси Н.Т.га жана мурдагы Мамэкотехинспекциясынын жооптуу кызматкерлерине карата кызмат абалынан кыянаттык менен пайдалануу фактысы боюнча кылмыш ишин козгоду.

Буга дейре Ош шаардык прокуратурасы аталган конок үй жети жылдан бери ижара акысын төлөбөй келаткандыгын шардана кылган эле.  

Алишер ТОКСОНБАЕВ, өз кабарчы