1,020 Бардыгы /

          ОШ. Үстүбүздөгү жылдын июнь айында Ооганстандын Улуу жана Кичи Памир аймактарынан 18 этникалык кыргыз Ош облусунун Чоң-Алай районунан көчүрүлүп келинген. Алар райондогу №44-кесипчилик лицейине убактылуу жайгаштырылган.

          Ушул тапта жергиликтүү бийлик памирлик бир боорлорубузду күнүмдүк оокат-азык жана дагы турмуш-тиричилик буюм-тейимдери менен үзгүлтүксүз камсыздап гана келатат. Эми буларга туулгандыгы жөнүндө   күбөлүк жана жарандык паспорт берүү маселеси дагы оң жагына чечилип жаткан чагы.

          Соңку тапта Чоң-Алай районунун акими Темирболот Абыкеев он памирлик кыргызга “Кайрылман” күбөлүгүн тапшырды. Эми оогандык кары-картаңдарга пенсия, буга улай он алты  жашка чейинкилерге кадимкидей мамлекет тарабынан пособие чектөө жагы дагы активдештирилди.

Алишер ТОКСОНБАЕВ, өз кабарчы