1,437 Бардыгы /

ЖАЛАЛ-АБАД. Кечээ, 28-сентябрь күнү Жалал-Абад шаарынын мэри Эрнисбек Ормоков шаарда ишмердүүлүк баштаган тигүү цехтерине барды.

Жалал-Абад шаардык мэриясынын маалымат борбору билдиргендей, шаар башчысы жергиликтүү бийлик ишкерлерге ар тараптуу колдоо көрсөтүүгө ар дайым даяр экендигин баса белгилеп, жумуш орундарын түзөм деген ишкерлерге имарат, жер маселесинде көмөк көрсөтүү боюнча тийиштүү жетекчилерге тапшырма берди.

Жалал-Абад шаарында жыл башынан бери 3 тигүү цехи ачылып, 100дөй жумуш орду түзүлгөн. Учурда тигилген кийим-кечелер жергиликтүү базарларга жана Орусияга сатылып жатат.

Белгилей кетсек, Жалал-Абад шаарында жалпы 4 тигүү цехи бар.