2,940 Бардыгы /

          ОШ. Кыргызстандын Түштүк башкалаасында «Ансар Групп» кооперативинин жооптуу кызматкерлери кармалышты. Бул туурасында Ош шаардык милициясынын басма сөз кызматынан билдиришти.

Маалыматка караганда, бүгүнкү күндө аталган кооперативге алданып, укук коргоо органдарына атайын арыз менен кайрылгандардын саны 59 адамды чапчыды. Анткени, жарандарга келтирилген чыгым 63,8 миллион сомду түзгөн. Кооператив алардын көпчүлүгүнө турак-жай сунуш кылышып, ар кандай суммадагы акчалай төлөмдөрдү алышып, бирок, таптакыр үйлөр берилген эмес. Жабырлануучуларлын арасында 5 миллион сомдон ашыкча бергендердагы дагы бар.

Ушул тапта «Ансар Групп» коммерциялык эмес керектөөчү кооперативине жана андагы тиешелүү жооптуу адамдарга кылмыш иши козголуп, тергөө амалдары башталды. Бул кылмыш ишинин алкагында ушул жылдын 9-октябрында «Ансар Групп» кооперативинин республика боюнча жетекчиси 1994-жылы туулган Ш.Э. жана кооперативдин Ош шаары боюнча жооптуу жетекчиси 1995-жылы туулган С. уулу А. кармалып, убактылуу кармоо жайына киргизилген. Алардын баш коргоо чарасы Ош шаардык сотунда каралмакчы.

Алишер ТОКСОНБАЕВ, өз кабарчы