12 Бардыгы /

Жаңырган жылдын 31-январында Казарман айылында Тогуз-Торо районунун түзүлгөндүгүнүн 90 жылдык мааракесине карата жаш өспүрүмдөр арасында муз үстүндө коньки тебүү мелдеши өткөрүлдү.

Иш-чаранын максаты — окуучулар арасында достукту бекемдөө, сергек жашоого үндөө, кылмыштуулуктун жана зордук-зомбулуктун алдын алуу, ошондой эле кышкы спорт түрлөрүн жана кышкы туризмди өнүктүрүү.

Мелдешке №1 Тоту Мойдунов (Макмал), №2 Асан Абдраимов жана №4 Иманберди уулу Иса атындагы жалпы билим берүү мектептеринин 7–8–9-класстарынын окуучулары катышып, муз үстүндө кызыктуу таймаш өткөрүштү.

Иш-чарага акимдин орун басары Асель Жунусалиева, райондук билим берүү бөлүмүнүн башчысы Бактыбек Таалайбеков, Тогуз-Торо айыл өкмөтүнүн башчысы Алтынбек Жарбашов, мугалимдер жана окуучулар катышты.

Спорттук мелдештин соңунда жеңишке жеткен командаларга дипломдор жана белектер тапшырылып, окуучуларга дем-күч берилди.

Мелдешке жеке ишкерлер У. Өзгөнбаев тарабынан мелдеш өтүүчү жай, коньки жана керектүү жабдуулар бекер камсыздалды. Ал эми А. Маметов балдардын бекер тамактануусун уюштурду.

Райондук мамлекеттик администрациясы иш-чаранын ийгиликтүү өтүшүнө салым кошкон бардык уюштуруучуларга жана ишкерлер У. Өзгөнбаев менен А. Маметовго чын жүрөктөн ыраазычылык билдирди.

Бул иш-чара райондун башка мектептеринде дагы уланып, окуучуларды сергек жашоого үндөө, достукту бекемдөө жана кышкы спортко болгон кызыгууну арттырууга багытталат.

Элиза АКЖОЛТОЕВА, Тогуз-Торо району