2,604 Бардыгы /

ОШ. Атайын операциянын жүрүшүндө УКМК Тажикстандан Кыргызстанга туруктуу маңзат ташыган топту кармады. Ошентип, кармалгандар Тажикстандан Кыргызстанга жалпы салмагы 17 кило192 грамм чарс деп аталган маңзат алып келе жаткандыгы аныкталган.

 Баса, колго түшүрүлгөндөр – Ош жана Жалал-Абад облустарынын тургундары. Алардын бири коррупцияга каршы элдик курултайдын «Элдик палатасы» коомдук бирикмесинин мүчөсү экен. Булар Кылмыш-процессуалдык Кодексинин 98-беренесине ылайык УКМКнын Оштогу башкармалыгынын тергөө абагына киргизилди.

Ушул тапта аталган маңзат ташыган топтун башка дагы мүчөлөрүн аныктоо боюнча дагы катуу иш-чаралар жүрүп жатат.

Алишер ТОКСОНБАЕВ, өз кабарчы