1,380 Бардыгы /

БАТКЕН. Баткен жана Лейлек райондорунда Тажик Республикасынын агрессиясынан катуу жапа чегишкен жергиилктүү тургундарга жардам иретинде акысыз көмүр жөнөтүлүп жана таратылып жаткан маалы.

«Кара алтын» Сүлүктү шаарында ишмердүүлүгүн жүргүзгөн көмүр өндүрүүчү ишканалар тарабынан камсыз этилип жатат. Муну Сүлүктү шаарынын мэриясынан дагы ырасташты. Алдын ала макулдашылган тизмеге ылайык, бөлүнгөн көлөмдөгү көмүр Сүлүктү шаарындагы өнөр-жай ишканаларынын 50 чакты жүк ташуучу автоунаалары менен жабыркаган айылдарга үзгүлтүксүз жеткирилүүдө. Жардам иретинде таратылып жаткан көмүрдүн жалпы көлөмү 814 тоннаны түзөт.

Белгилей кетчү жагдай: Кыргыз Республикасынын Министрлер кабинетинин төрагасы Акылбек Жапаров тарабынан чукул арада чек арада жабыркаган жарандарды көмүр-отун менен камсыздоо боюнча тапшырма дагы берилген.

Алишер ТОКСОНБАЕВ, өз кабарчы