1,410 Бардыгы /

          БАТКЕН. Быйылкы 14-17-сентябрдагы Кыргыз-Тажик чек арасындагы куралдуу жаңжалда жапа чекен Баткен районунун Достук жана Капчыгай айылдары толук бойдон жаңыдан курулат. Мындай жарлыкка президент Садыр Жапаров акыркы сааттарда кол койду.

Жарлыкка ылайык Баткен районунун Капчыгай жана Достук айылында жабыркаган үйлөр зыянды баалоо комиссиясынын аныктамасына карабастан баары теё бузулат жана ордуна жаңы гана турак жайлар курулат. Курулуш белгиленген мөөнөттө гана яктайт. Жаңы курулган үйлөрдүн документтери курулуш иштери аягына чыгаары менен ээлерине акысыз гана берилмекчи. Президенттин жарлыгында Достук жана Капчыгай айылдарын жаңыдан деталдуу пландаштырып курууга, турак жайларды тургузууга акча каражаттарын атайын сметага ылайык жергиликтүү бийликке бөлүп берүү Каржы министрлигине өтө катуу тапшырылды. Ал эми Министрлер кабинети зарыл чараларды жүзөгө ашырууга милдеттендирилди.

Баса, Өзгөчө кырдаалдар министрлигинин акыркы маалыматына караганда, Кыргызстан менен Тажикстандын ортосундагы соңку куралдуу кагылышта Кыргыз айылдарынан 661 үй зыян тартты. Булардын 423ү жашоого жараксыз кейипти кийген. Ал эми 238 үй сөзсүз оңдолуп-түзөлүшү кажет! Булардан тышкары 11 административдик- стратегиялык обьектилер, 335 мал сарай, сегиз мектеп, эки бала бакча, үч фельдшердик-акушердик бекет дагы зыянга учурады. Буга улай 197 жашоо-тиричилик камсыздоочу обьектилер талкаланып, өрттөлгөн. Ак-Суу дарыясындагы узундугу 36 метрлик унаа өтүүчү көпүрө жардырылып, 61 автоунаа өрттөлгөн, же талкаланган. Кыргыз бийлиги жаңы үйлөрдү эки-үч айда курууну катуу убада кылууда.

Алишер ТОКСОНБАЕВ, өз кабарчы