17,322 Бардыгы /

          ОШ. Кыргызстандын Түштүк башкалаасында Бельгия жараны ислам динин кабыл алып, андан соң гана ашык болгон Кыргыз кызына үйлөндү.

Ошентип, Бельгия мамлекетинин жараны Альберто Вотир Кыргызстандык Маркиза Шумкар кызын жактырып калып, ага үйлөнүү максатында Ош шаарынын мусулмандарынын казысынын милдетин аткаруучусу Мирланбек ажы Токтомушовго атайылап келишти. Мирланбек ажы Токтомушов мусулман кызга үйлөнүү үчүн адегенде ислам динин кабыл алып, анан мусулман болуу керектигин жана ислам негиздерин дагы кең-кесири түшүндүрдү.

• Ислам дининде адатта адамда мажбурлоо жок! Бирок. биз айтып

жана дагы катуу эскертебиз! Динди чын ниеттен кабыл алуу ар бир адамдын өз каалоосу менен гана аткарылат. Жаратуучу Алла Тааланын жалгыздыгына, Мухаммаддын (с.а.в.) Анын элчиси жана кулу экендигине чын жүрөктөн күбөлүк берген адамды биз мусулман деп эсептейбиз! – деди Ош шаарынын мусулмандарынын казысынын милдетин аткаруучусу Мирланбек ажы Токтомушов.

Баса, Альберто Вотир буга дейре Курандын котормолорун өзүнчө окуп жүргөндүгүн, өзү дагы мусулманчылыкты кабыл алууга абдан ынтызар экендигин билдирип, келме айтып мусулмандардын катарын толуктады.

Алишер ТОКСОНБАЕВ, өз кабарчы