984 Бардыгы /

ОШ. “Дени сак адам – бакубат өлкө” аталышындагы форум Ош облустар аралык балдар ооруканасында өткөрүлдү. Ошондой эле бул иш-чаранын алкагында ОшМУнун дипломдон кийинки жана үзгүлтүксүз медициналык билим берүү борборунун педиатрия бөлүмүнүн окутуучулары жана ординаторлору мастер-класстарга катышып, бөбөктөрдү дарылоо жолдорун дагы ыраса үйрөнүштү.

Бул форумдун алкагында Орусиянын Санкт-Петербург шаарынан жана АКШдан келишкен анестезиолог жана реаниматолог дарыгерлер өз тажрыйбалары менен кең-кесири бөлүшүштү. Окутуудан өткөн дарыгерлер үйрөнгөндөрүн өздөрүнүн ишинде такай колдонушуп, ал эми бул  ымыркайлардын перинаталдык өлүмүн  азайтууга гана салым кошоору талашсыз.

Баса, наристелердин ден соолугу чың болушу үчүн медиктердин жаңы изилдөөлөрү жана тажрыйба алмашуусу чоң мааниге ээ. Буга байланыштуу форум  Кыргыз Республикасынын Саламаттык сактоо министрлигинин башкы неонатологу, дасыккан дарыгер Сагын Абдубалиеванын  демилгеси менен уюштурулду.

Алишер ТОКСОНБАЕВ, өз кабарчы