1,386 Бардыгы /

          ОШ. Ош облусунун тоолуу райондорун кар калың жаагандыгына байланыштуу айрым айылдарда электр энергиясы менен камсыз этүү ушул тапта үзгүлтүккө учурады. Бул туурасында “ОшЭлектртармактары” ишканасынан билдиришти.

          Калың карды тал-теректердин бутактары көтөрө алышпагандыктан, бир катар жерлерде электр чубалгыларын үзүп дагы таштады. Баса, РЭТтин  (райондук электр түйүнү ишканасынын) кызматкерлери жыл сайын жаз жана күз айларында электр чубалгыларынын айлана-тегерегин тазалап турушат. Тилекке каршы, кээ бир жарандар “Тал-теректин ээси менмин! Бузсаңар, көрөсүңөр?!?” деп коркутушуп, өздөрү эле авариялык абалды жаратышат.

          Акыркы күндөрдө кар калың жаагандыктан, Чоң-Алай районунда жана дагы Кара-Кулжа районунун Алайкуу өрөөнүндө электр жарыгы өчүп калган. РЭТтин  (райондук электр түйүнү ишканасынын) кызматкерлери аварияны калыбына келтиришип, тал-теректерди кыйышып. чорт үзүлгөн электр чубалгыларын эптеп оңдоп-түзөштү.

Алишер ТОКСОНБАЕВ, өз кабарчы