1,512 Бардыгы /

ЖАЛАЛ-АБАД. Чаткал районунун Каныш-Кыя айылында заманбап калкты тейлөө борбору ишке кирди.

Чаткал районунун Каныш-Кыя айылындагы маданият үйүнүн имаратынын бир бөлүгү оңдоп-түзөөдөн өткөрүлүп, заманбап калкты тейлөө борбору (ЦОН) катары пайдаланууга берилди. Иш-чарага облус башчысынын орун басары Эркинбек Маматаев, район акими Алтынбек Сенирбаев, мекеме кызматкерлери жана айыл тургундары катышты. Калкты тейлөө борборун уюштурууга жергиликтүү бюджеттен 2,5 млн. сом акча каражаты жумшалган. Борбор Чаткал районунун 31 миңден ашуун калкына ыкчам электрондук кызмат көрсөтөт.

Ошондой эле Каныш-Кыя айыл аймагындагы Чакмак-Суу айылына жаңы бала бакча курулуп, ишке берилди. Чакмак-Суу айылындагымектепке чейинки билим берүү мекемесинин курулушуна жергиликтүү бюджеттен 17 млн. 700 миң сом акча каражаты жумшалган.