1,566 Бардыгы /

Казакстандын Короо министрлиги өзгөчө учурда куралдуу күчтөрдүн беделин түшүргөн маалыматтарды тараткандарды административдик жана кылмыш жоопкерчилигине тартууну сунуштады.

Министрлик жарыялаган маалыматка караганда, өзгөчө учурга аскердик абал, өзгөчө кырдаал же антитеррорук операция кирет.

Коргоо министрлиги мындан тышкары өзгөчө учурда ЖМК, социалдык тармактардын колдонуучуларынын аракетин көзөмөлдөөнү сунуштайт.

Ведомство бул сунуштарды “дүйнөлүк тажрыйбаларга” таянуу менен киргизип жатканын белгилеген.

Министрлик өзгөчө учур өлкөнүн жогорку жетекчилиги киргизген маалда гана күчүндө болорун кошумчалайт. Казакстандын Конституциясына ылайык, тынч учурда цензурага тыюу салынат, ар бир жаран маалымат алууга жана таратууга укуктуу.

Орусиянын Мамлекеттик Думасы мартта бир добуштан “Орус армиясы тууралуу фейк маалыматтар” боюнча мыйзамга толуктоолорду кабыл алган. Кылмыш-жазык кодексине кирген жаңы берене боюнча орус армиясы тууралуу жалган же бурмаланган маалыматтарды тараткандар 15 жылга чейин эркинен ажыратылышы мүмкүн. Ал эми кээ бир басылмалардын жана социалдык тармактардын сайттары бөгөттөлүп, ачылбай калды.

WWW.