1,239 Бардыгы /

Казакстандын энергетика министри Болат Акшолаков өкмөт кулуарында Казакстан Германияга мунай экспорттойбу деген суроого жооп берип жатып, Орусиядагы кесиптештеринен расмий тастыктоону күтүп жатышканын, себеби нефть алардын чек арасы аркылуу өтөрүн айтты.

«Оозеки тастыктоо алдык, менимче, маселе болбойт. Азырынча оозеки келишим бар, жазуу түрүндө жок», – деди министр.

«Кубаттуулук жетиштүү. Башкысы керектөөчүлөрдүн алганы маңыздуу. Орусия Федерациясы менен мунайды насос аркылуу айдоо боюнча эч качан маселе болгон эмес. Көлөмүнө келсек, жылына 1,5 млн тонна болуп калат. Бирок Казакстан бир жылда эң көп дегенде 6 млн тонна гана жеткире алат», – деди Акшолаков

Былтыр декабрда Казакстан Греманияга мунай экспортоо мүмкүндүгүн карап жатканы айтылган.

2023-жылы Казакстан 90,5 миллион тонна мунай чыгарууну пландап жатат, анын 71 миллиону экспортко багытталат.

Казакстан мунайдын басымдуу бөлүгүн орусиялык Каспий куур түйүнү консорциуму аркылуу экспорттойт. Казакстандын энергетика министрлиги “Консорциумга санкция салынбайт жана Казакстан мунайын Кара деңиз порту аркылуу жеткирүүдө кедерги жаралбайт” деп үмүттөнөт.

Былтыр нобярда 2023-жылдын 1-январынан тарта Казакстан Баку – Тбилиси – Жейхан мунай кууру аркылуу 1,5 млн тонна мунай экспорттой баштары белгилүү болгон. Анын көлөмүн 6 – 6,5 млн тоннага жеткирүү маселеси каралууда.

WWW.