1,893 Бардыгы /

2022-жылы интернеттин атайын өчүрүлгөнүнөн Тажикстандын экономикасы 2 млн доллар чыгым тартты. Бул тууралуу Tpo10VPN.com порталы билдирди.

Маалыматка караганда, былтыр Тажикстанда жалпысынан 936 саатка интернет өчүрүлгөн. Мындан 78 миңден ашуун киши зыянга учураган.

Натыйжада Тажикстан интернеттин өчүрүлгөнүнөн зыян тарткан 23 өлкөнүн ичинен 19-орунда турат.

Тажикстанда өкмөткө каршы нааразылык акциялары учурунда интернетти өчүрүү адатка айланган.

Былтыр 17-майда Тоолуу Бадахшан автономдуу облусунда жапырт нааразылык орун алгандан кийин бир жарым ай бою бул аймакта интернет байланышы болгон жок. Жергиликтүү тургундардын айтымында, интернетке 25-июнда гана туташышты.

Бул арада Тажикстанда интернеттин ылдамдыгы да өтө жай. Бул жагдайды былтыр өлкө президенти Эмомали Рахмон да сынга алган.

WWW.