1,368 Бардыгы /

ЖАЛАЛ-АБАД. 2022-жылдын апрель айында Сузак райондук ички иштер бөлүмүнө Европадагы коопсуздук жана кызматташтык уюмунун Бишкектеги программалык кеңсеси тарабынан милициянын көчмө кабылдама унаасыберилген.

Жалал-Абад ОИИБдин басма сөз кызматы билдиргендей, көчмө кабылдама район тургундарынын, айрыкча алыскы тоолуу айыл элинин көйгөйлүү маселелерин жеринде чечүү үчүн берилип, кылмыштуулуктун жана үй-бүлөлүк зордук-зомбулуктардын алдын алууда кызмат кылат. Милиция кызматкерлери жергиликтүү бийлик өкүлдөрү менен биргеликте жарандардын коопсуздук жана социалдык маселелерге байланыштуу арыз-даттанууларын жеринде кабыл алышып, профилактикалык иштерди жүргүзүшөт. Элге сервистик тейлөө көрсөтүүдө, калктын милиция болгон ишенимин жогорулатууда көчмө кабылдама унаалардын ролу чоӊ.

Жалал-Абад облусунда милициянын 11 көчмө кабылдама унаасы иш жүргүзөт. Алар Жалал-Абад, Таш-Көмүр, Кара-Көл шаарларында, Сузак, Базар-Коргон, Ноокен, Токтогул, Аксы, Ала-Бука, Чаткал жана Тогуз-Торо райондорунда.

2022-жыл ичинде көчмө кабылдама унаалар жалпы 827 жолу аймактарды кыдырууга чыгып, 1183 жаранды кабыл алган. Жарандардан жалпы 1108 ар түрдүү мазмундагы арыз жана кайрылуулар келип түшүп, 798 кайрылуу боюнча жеринде юридикалык кеӊештер берилип, чечилген. 38 факты кылмыштардын бирдиктүү реестрине катталып, 195 укук бузуулар жөнүндө протоколдор толтурулган.

          https://youtu.be/_RUkF0YGq_I видео ушул ссылкада.