999 Бардыгы /

          БИШКЕК. Быйыл эки миң чакты Кыргыз жараны Улуу Британиядагы айыл чарба жумушунда иштөөгө жөнөтүлөт. Бул туурасында Эмгек, социалдык камсыздоо жана миграция министрлигинен кабарлашты.

          Айтмакчы, ушул жылдын 3-январында Бишкек шаарында Кыргыз республикасынын Эмгек, социалдык камсыздоо жана миграция министрлиги жана Улуу Британиянын Өкмөтү атайын макулдашууга кол коюшту. Анда Кыргызстандыктардын Англияда жумушка жайгаштыруу маселеси камтылган. Атайын макулдушууга ылайык быйыл кыргызстандыктар үчүн эки миң жумуш ордуна атайын квота бөлүндү. Бул сынакка 18 жаштан 46 жашкае чейинки курактагылар гана катыша алышат. Контракттын мөөнөтү алты айга чейин. Эмгек акысы ар бир саатына 10 фунтов стерлинг.

          Баса, жогорудагы сынакка катышуучуларды каттоо өстүбүздөгү жылдын 17-январынан тартып Бишкек шаарында Арабаев атындагы КМУнун имаратында, ал эми Ош шаарында ОшМУнун башкы имаратында кызуу жүрүп жаткан чагы. Эмгек, социалдык камсыздоо жана миграция министрлиги былтыр Улуу Британиядагы айыл чаба жумушуна 1500 жараныбызды жөнөткөн. Ушул тапта Түштүк Кореяга жана Пресид булуңундагы өлкөлөргө кыргызстандыктарды ишке жайгаштыруу кызуу жүрүп жатат. Быйыл яварь айында Болгария жана Германия менен дагы өз ара макулдашууларга кол коюлган. Кыргыз жарандары ошондой эле Венгрияга дагы жумушка жөнөтүлөт.

Алишер ТОКСОНБАЕВ, өз кабарчы