1,140 Бардыгы /

ЖАЛАЛ-АБАД. Жалал-Абад шаардык ички иштер бөлүмү тарабынан “Селсаяк” аталышында алдын алуу иш-чарасы өткөрүлдү.

Жалал-Абад ОИИБдин басма сөз кызматы билдиргендей, шаардык социалдык коргоо бөлүмүнүн кызматкерлери менен биргеликте коомдук жайларда спирт чимдигин ичип жүргөндөр жана тилемчилик менен алектенгендер текшерүүгө алынды. Шаардагы жер астынан жана жол үстүнөн өтүүчү өтмөктөрдө, чоң жолдордун кесилишкен жерлеринде тилемчилик кылып, жарандарга ыңгайсыздык жаратпоо иштери жүрдү.

Рейддин жыйынтыгында аракечтикке берилген жана тилемчилик менен алектенип жүргөн 9 атуул аныкталып, алардын туугандары милиция бөлүмүнө чакыртылып, кошуп берилди. Ошондой эле башка жактардан келип шаар аймагында тилемчилик, селсаяктык кылып жүргөн атуулдардын жашаган жерлерине сунуш каттар жиберилди.

Белгилей кетсек, профилактикалык жумуштарды жүргүзүүдө Жалал-Абад ШИИБдин милициянын көчмө кабылдама унаасы кызмат кылууда.