1,149 Бардыгы /

Казакстанда сот Алматыда кармалган анархист Денис Козакты 20 суткага камоо боюнча токтом чыгарды.

Бул тууралуу “Новая газета. Европа” долбооруна Адам укуктары боюнча бюросу билдирди.

Басылманын маалыматына караганда, Козак тергөө изоляторуна 12-февралда которулду. Ал качкын макамын берүү өтүнүчү менен арыз жазды. Арызды кароо үч айга созулуп, дагы жарым жылга чейин узартылышы мүмкүн.

Орусияда издөөгө алынган Денис Козак 9-февралда Алматыда кармалган.

Козакка кылмыш иши козголгону былтыр июнда кабарланган. “Кавказ.Реалии” билдиргендей, Денис Казак 2018-жылы ФСБнын Архангельск облусундагы имаратынын алдында өзүн жардырып жиберген студент Михаил Жлобицкий тууралуу соцтармактарга пост жазган. Мындан соң ага “терроризмди актоо” беренеси боюнча кылмыш иши козголгон. Козак маалымат каражаттарына берген маегинде Жлобицкийдин аракетин актабаганын, окуяга талдоо гана жүргүзгөнүн айткан.

WWW.