3 Бардыгы /

БШК №13 округ боюнча кайра шайлоого катышуу үчүн талапкерлерден чогулган 7 млн. сом акча каражатын кайтарып берерин Боршайкомдун төрагасы Тынчтык Шайназаров билдирди.

Тынчтык Шайназаров белгилегендей, 13-февралда №13 көп мандаттуу шайлоо округунда Жогорку Кеңештин депутаттарын кайра шайлоо боюнча 2025-жылдын 30-декабрындагы БШКнын токтому жокко чыгарылган.

Ал эми аталган округ боюнча 2025-жылдын 30-ноябрында өткөн Жогорку Кеңештин депутаттарын мөөнөтүнөн мурда шайлоонун жыйынтыгы мыйзамдуу деп табылып, талапкерлер – Талант Мамытов, Айбек Алтынбеков жана Айгүл Карабекова жеңүүчү деп белгиленген.

“1-мартка дайындалган кайра шайлоо жокко чыгарылгандыктан талапкерлерден түшкөн 7 млн. сом акча каражаты кайтарылып берилет”, — деди Т. Шайназаров.

Белгилей кетсек, №13 шайлоо округу боюнча Жогорку Кеңештин депутаттарын кайра шайлоого 25 талапкер катталып, бюджетке 7 миллион сом шайлоо төгүмүн төлөшкөн.