1,944 Бардыгы /

Өзбекстан президенти басма сөз эркиндиги өкүм сүргөн шартта иштөө “кыйыныраак” экенин билдирди. Мирзиёев ага ЖМКларды жабууну сунушташканын айтты. “Мен жаппайм… Сүйлөшсүн, бирок адилет сүйлөшсүн. Сындашсын, бирок туура сындашсын”, – деди Шавкат Мирзиёев.

Шавкат Мирзиёев Кашкадарыя облусуна караштуу Карши районундагы жаңы мектепке барганда жалпыга маалымдоо каражаттарын колдогон билдирүү жасаганын, анын басма сөз катчысы Шерзод Асадов кабарлады.

“Биз жабык өлкө болуп, жалпыга маалымдоо каражаттарын колдобогондуктан, элдин үнүн уга албадык. Эркиндиктин деми жагабы? Мага жагат. Ооба, мындай иштөө кыйыныраак болуп жатат. Мага: “Жабыңыз” деп айтышат. Бирок мен жаппайм. Мурункудай прокурор менен Улуттук коопсуздук кызматы текшерүүгө алууга тийишпи? Биз максатыбызга жеттикпи?”, – деген президент.

Өзбекстандын мамлекет башчысы ЖМКлар менен “достошуу” зарыл экенин белгилеген.

“Сүйлөшсүн, бирок туура сүйлөшсүн. Сындашсын, бирок туура сындашсын. Эгер алардан айылга, мектепке, билимге пайда болсо, кайра жакшы. Мен күн сайын интернетти окуйм. Мүмкүнчүлүгүмө жараша эки саатымды бөлүп, колума калем алып, белгилеп коем. Он пикирдин тогузу туура чыгат. Бул туура багытпы? Туура”, – деген ал.

2021-жылы февралда Шавкат Мирзиёев журналисттер менен маек куруп жатып, ийгиликтерди жана кемчиликтерди адилеттүү чагылдырууну токтотпоону сураган.

Президент ЖМКлардын ишине кийлигишкен жана кысым көрсөткөн аткаминерлерди жазалоону сунуштаган. Журналисттердин ишине тоскоолдук жараткандарга административдик жоопкерчилик киргизүү 2019-жылы эле сунушталган. Бирок бул норма кабыл алынган эмес.

WWW.