1,080 Бардыгы /

          ОШ. Ош облустар аралык бириккен клиникалык ооруканасында компьютердик томография ишке киришти.  Бул туурасында Саламаттык сактоо министри Гүлнара Баатырова билдирди.

          Өкмөт мүчөсүнүн маалыматына караганда, ушул тапта кызматтын баасы тактала элек. Азырынча тез арада медициналык жардамга муктаж болгондор гана акысыз текшерилүүдө. Аталган аппарат республикалык бюджеттин эсебинен 28 миллион сомго сатылып алынды.

          Эскерте кетээрибиз: республикабыздын Ысык-Көл, Талас жана Нарын облустары үчүн дагы компьютердик томографтар сатылып алынып, кызматкерлердин окуулары аяктап, бейтаптар кабыл алына баштаган. Ушундай эле аппарат Жалал-Абад облусунда дагы иштеп жаткан чагы.

          Алишер ТОКСОНБАЕВ, өз кабарчы