708 Бардыгы /

ЖАЛАЛ-АБАД. Буйруктун талаптарын аткаруу боюнча Ички иштер министринин орун басары, милициянын генерал-майору Октябрь Урмамбетовдун жетекчилиги алдында ИИМдин Коомдук коопсуздук кызматынын кызматкерлери менен ИИМдин
Коомдук коопсуздук кызматынын 2023-жылдагы уюштуруу мерчемине ылайык саат 05:30до Жалал Абад ОИББдин борбордук аппаратынын, милициянын кайгуул кузөт кызматынын өзүнчө ротасынын, Жалал-Абад облусунда жайгашкан ИИМдин атайын багыттагы полкунун өзүнчо ротасынын жана анын райондук- шаардык бөлүмдөрүнүн өздүк курамын “АЙГАЙ” белгиси боюнча көтөрүп, уюштуруу башкаруучулук чечимдеринин аткарылышы жана кызматкерлердин күжүрмөн даярдыгы текшерилди. ИИМдин басма сөз кызматы билдиргендей, Кыргыз Республикасынын ички иштер органдарынын күжүрмөн аскердик даярдыгын чыңдоого, кесиптик тажрыйбаларды өркүндөтүүгө карата министрдин буйругу менен министрдин орун басары, милициянын генерал-майору Октябрь Урмамбетов башында турган Ички иштер
министрлигинин атайын тобу түзүлгөн.
Ички иштер министри Улан Ниязбеков: “Күжүрмөн даярдык ишмердиги жөнгө
келтирилбесе, калктын сакчылыгында туруу тартибине көңүл бурулбаса, анда
коомдук тартипти камсыздоо, элге сервистик тейлөө көрсөтүү милдеттерин
аткарууда бир катар көйгөйлөр жаралышы мүмкүн, ошол себептен мындан ары
да күжүрмөн даярдыкты чыңдоого өзгөчө көңул бурулат»,- деп баса белгилеген
ИИМдин шаардык, областтык милиция түзүмдөрү менен өткөн кезектеги
он-лайн чогулушта.
“АЙГАЙ” белгиси боюнча көтөрүүдө атайын буйруктарда көрсөтүлгөн
убакыттын ичинде Жалал Абад ОИББнын борбордук аппаратынын жана анын
райондук- шаардык бөлүмдөрүнүн бөлүмдөрү боюнча өздүк курамдын чогулушу
“жакшы” деген баага татыктуу болду.
Жыйынтыгында чогулган жалпы өздүк курамга саптык кароо жүргүзүлүп, жалпы
мазмундагы бир катар кемчиликтер аныкталды. Алар негизги иш пландары
жана ИИМге тиешелүү атайын пландарда бир катар кемчиликтер орун алган.
Кемчиликтерди тез арада жойуу боюнча атайын иш чаралар белгиленди.
Орун алган кемчиликтерди тез арада жоюу боюнча ИИМ жетекчилиги бир катар
тапшырмаларды белгилеп, кайрадан текшерүүгө ала тургандыгы белгиленди.
Мына ушундай кызматкерлердин күжүрмөн даярдыгын текшерүү мындан ары да
улантылмакчы.