15 Бардыгы /

Кыргыз Республикасынын Энергетика министрлигинин 2026-жылга карата иш-планынын алкагында электр энергетика тармагынын ишенимдүүлүгүн жогорулатуу жана инфраструктураны жаңылоо максатында «Кыргызстан улуттук электр тармактары» ААКнын филиалы — Жалал-Абад электр тармактар ишканасынын көмөк чордондор кызматы тарабынан облус аймагында жайгашкан 65 көмөк чордон капиталдык оңдоп-түзөөдөн өткөрүлөт.

Жалал-Абад электр тармактар ишканасынын маалымат кызматы билдиргендей,

капиталдык оңдоо иштери 35/110/220/500 кВ чыңалуудагы көмөк чордондордо жүргүзүлөт. Алар:

– Майлуу-Суу шаары – 110 кВ 2 даана, 35/10кВ 1 даана;

– Манас шаары – 110 кВ 4 даана;

– Кара-Көл шаары – 110 кВ  6 даана;

– Таш-Көмүр шаары – 220кВ 1 даана, 110 кВ  2 даана;

– Аксы району – 110 кВ  2 даана, 35/10кВ 3 даана;

– Ала-Бука району  – 110 кВ 2 даана;

– Чаткал району – 110 кВ  2 даана;

– Ноокен району – 110 кВ  5 даана, 35/10кВ 6 даана;

– Токтогул району – 110 кВ  2 даана, 35/10кВ 7 даана;

– Базар-Коргон району –  110 кВ  1 даана, 35/10 кВ  4 даана;

– Сузак району – 220кВ 1 даана, 110 кВ  6 даана, 35/10кВ 7 даана.

Аталган көмөк чордондордо капиталдык оңдоо иштеринин жүрүшүндө жалпы 232 даана электр жабдуусу ремонттолот. Анын ичинде күч трансформаторлору, өчүргүчтөр жана ажыраткычтар, өткөрмө тутумдар, ошондой эле чыңалуудагы сарп дүрмөттөгүчтөр камтылган.

Бул иштер көмөк чордондордун техникалык абалын жакшыртып, электр энергиясын керектөөчүлөргө үзгүлтүксүз, туруктуу жана коопсуз жеткирүүгө шарт түзөт.

Мындан тышкары Жалал-Абад облусунун аймагындагы 112 көмөк чордон пландуу техникалык тейлөөдөн өткөрүлөт. Бул жумуштар 2026-жылдын март айынан башталып, ноябрь айына чейин бүткөрүлөт.