2,127 Бардыгы /

ОШ. Кыргызстандын Түштүк башкалаасында ири суммада акча уурдаган өспүрүмдөр кармалышты. Бул туурасында Ош шаардык ички иштер башкармалыгынан билдиришти.

Маалыматка караганда, милиция кызматкерлери тарабынан Ош шаарынын тургундары 2008-жылы туулган Д.М. жана Н.А. кармалышты. Кылмыштуу жоруктун негизги уюштуруучусу Д.М. жаш болгондугуна  карабастан мурда дагы үч ирет кылмыш жоопкерчилигине тартылган экен. Шектүүлөр үстүбүздөгү жылы 22-январында Ош шаарынын А.Масалиев көчөсүндө жайгашкан эл көп каттаган кафелердин бирине түндө терезеси аркылуу уурулукка киришип, жалпы суммасы 5 миллион сомдон ашуун акчаны уурдап кетишкен.

Ушул тапта шектүү балдар Жалал-Абад шаарындагы атайын балдардын тергөө абагында кармалууда жана аларга карата Кыргыз Республикасынын Кылмыш-жаза кодексинин 205-беренесинин негизинде кылмыш иши козголуп, тергөө иштери улантылууда.

Баса, өспүрүмдөр кафеден уурдалган акчанын көпчүлүк бөлүгүн бекиткен жеринен таап беришти. Бирок, аз убакыт ичинеде эле 480 миӊ сом акчаны жеке кызыкчылыгына иштетишип, ар кимге бергенге дагы үлгүрүшкөн.

          Алишер ТОКСОНБАЕВ, өз кабарчы