1,782 Бардыгы /

          ЖАЛАЛ-АБАД. Жалал-Абад санаториясынын директорунун А. М. С. аттуу орун басары кармалгандыгын УКМКнын маалымат кызматынан тастыкташты. Аны мекемеде ден соолугун чыңдоо үчүн келген бейтаптардан акча алып жатканда колго түшүрүштү.

УКМКнын маалымат кызматынан билдиришкендей,Жалал-Абад санаториясынын директорунун орун басарын бейтаптардан опузалап пара алып жаткан жеринен кармашкан. Ал буга дейре деле бейтаптарга бекер берилчү медициналык процедулардан дагы акча алып турчу экен.

Ошентип, кармалган А.М.С. иш жүзүндө бекер көрсөтүлө турган тейлөөнү санаторийдин медициналык процедураларынын милдеттүү прейскурантына атайылап киргизип, дарыланып жаткандардан кошумча медициналык процедураларды санаторийлик китепке киргизүү үчүн системалуу түрдө акча талап кылып жүргөндүгү акыры аныкталды.

Ошентип, Түштүктөгү эң таанымал санаторийдин директорунун орун басары убактылуу кармоочу жайга киргизилди. Ушул тапта ал ар тараптуу тергелип жаткан чагы.

Алишер ТОКСОНБАЕВ, өз кабарчы