894 Бардыгы /

ЖАЛАЛ-АБАД. Жалал-Абад облусуна караштуу Таш-Көмүр шаарына HOWO үлгүсүндөгү жүк ташуучу унаа жана таштанды ташуучу техниканын ачкычтары тапшырылды.

Президенттин Жалал-Абад облусундагы өкүлчүлүгүнөн билдиришкендей, заманбап техникаларды тапшыруу аземине Жалал-Абад облусунун башчысы Абсаттар Сыргабаев катышты. Шаардын муниципалдык мекемелеринин техникалык базасын чыңдоо максатындагы долбоор Жалал-Абад облустук өнүктүрүү фонду тарабынан каржыланып, 9 миллион 97 миң сом сарпталды.

Аталган иш-чарада буга чейин Өзгөчө кырдаалдар министрлигинин Таш-Көмүр шаарындагы бөлүмүнө алынып келген эки өрт өчүрүүчү унаа, анан дагы жергиликтүү бюджеттин каржылоосунда алынган бир жүктөгүч техникасы дагы ишке берилди.

Алишер ТОКСОНБАЕВ, өз кабарчы