1,278 Бардыгы /

ОШ. Кыргыз Республикасынын Түштүк башкалаасында жалпы жонунан кырктан ашуун бала бакча эч мыйзамсыз менчиктештирилип кеткен. Бул туурасында Ош шаардык мэриясынын тышкы байланыштар жана аналитика башкармалыгынын бөлүм башчысы Мирланбек КАЗЫБЕК уулу билдирди.

– Ушул тапта саналган бала бакчаларды мамлекетке кайтаруу аракети ыраса күчөтүлдү, – деп кошумчалады Ош шаардык мэриясынын тышкы байланыштар жана аналитика башкармалыгынын бөлүм башчысы Мирланбек КАЗЫБЕК уулу. – Ушул өңүттө Ош шаардык Кеңешинин дагы макулдугун алдык.

  Баса, буга дейре Кыргыз Өкмөтүнүн башчысы Акылбек Жапаров мыйзамсыз менчиктештирилген бала бакчалардын кожоюндарына үч ай мөөнөт ыроологон. Белгиленген аралыкта алар өз профилинде иштетилбесе, премьер-министр мыйзамсыз менчиктештирилген бала бакчалардын баары тең Билим берүү жана илим министрлигинин балансына токтоосуз өткөрүүлөөрүн катуу эскерткен.

Алишер ТОКСОНБАЕВ, өз кабарчы