1,095 Бардыгы /

Базар-Коргон райондук ички иштер бөлүмүнө 19 жаштагы жаран арыз менен кайрылган. Ал өз арызында 2023-жылдын 31-март күнү болжол менен саат 19:30 чамасында Базар-Коргон районунун Суу-Башы айылында “ДЭУ Матиз” үлгүсүндөгү автоунаасында жүргүнчү катары бара жаткан жаран коркутуп, бети-башына уруп, автоунаасын айдап кетип калгандыгын билдирген.

Жалал-Абад ОИИБдин басма сөз кызматы бул окуя Базар-Коргон РИИБдин КБРне Кыргыз Республикасынын Кылмыш-жаза кодексинин 211-беренеси (автомототранспорт каражаттарын айдап качуу) менен катталып, кылмыш иши козголгон.

Базар-Коргон РИИБдин кызматкерлери тарабынан жүргүзүлгөн ыкчам-иликтөө иштеринин натыйжасында кылмыш ишинин бети изи сууй электе ачылган. Окуяга шектүү катары Ноокен районунун Момбеков айыл аймагынын тургуну 2001-ж.т. М.А. ошол эле күнү кармалып, убактылуу кармоочу жайга киргизилген.

Учурда тергөө амалдары жүрүүдө.