1,911 Бардыгы /

ЖАЛАЛ-АБАД. Облустук  милициясы каракчылыкка шектелген эки жаранды кармады.

Жалал-Абад ОИИБдин басма сөз кызматы билдиргендей,

облустук милицияга 2004-жылы туулган Сузак районунун тургуну арыз менен кайрылган. Ал өзүнүн арызында 2023-жылдын 20-мартында саат 17:30 чамасында  Жалал-Абад шаарынын “Айгүл” соода борборунун алдында  өзүнө бейтааныш болгон 18-25 жаштар чамасындагы эки бала колундагы бычагын көрсөтүп коркутуп, базар баасы 40 миӊ сомдук “Айфон” үлгүсүндөгү уюлдук кол телефонун тартып алып коюшкандыгын билдирген.

 Бул факты боюнча  топтолгон материалдар Жалал-Абад ОИИБдин КБРне Кыргыз Республикасынын  кылмыш жаза кодексинин 207-беренеси  (Каракчылык) менен катталып, кылмыш иши козголгон.

Жалал-Абад ОИИБдин кылмыш иликтөө бөлүмүнүн  кызматкерлери тарабынан  жүргүзүлгөн ыкчам-иликтөө иштеринин натыйжасында кылмыш ишине шектүү катары мурда соттолгон Сузак районунун тургуну  2002-ж.т. Ж.А. жана Жалал-Абад шаарынын тургуну 2003-ж.т. Б.М. кармалып, убактылуу кармоочу жайга киргизилген.

Азыркы учурда тергөө амалдары жүрүп жатат.