981 Бардыгы /

ЖАЛАЛ-АБАД. Айыл чарба багытындагы жерди таптакыр эле мыйзамсыз ээлеп жана дагы сатып алган жаранга 425 миң сом өлчөмүндөгү айып пул салынды. Бул жөнүндө Айыл чарба министрлигинен билдиришти.

Маалыматка караганда,  Айыл чарба министрлигине караштууЖерди жана сууну көзөмөлдөө кызматынын Жалал-Абад аймактар аралык башкармалыгы жүргүзгөн тыкыр текшерүүнүн жүрүшүндө Базар-Коргон районуна караштуу Бешик-Жон айыл өкмөтүнүн жашоочусу Ж.С. жайыт жерге тиешелүү 8500 чарчы жер тилкесин өзүм билемдик менен эле ээлеп алгандыгы жана сатып алгандыгы акыры аныкталып олтурат.

Натыйжада Кыргыз Республикасынын министрлер кабинетинин тиешелүү токтомуна ылайык, аталган жаранга дароо эле 425 миң сом айып пул салынды. Ал эми бул факты боюнча материалдарды тыкыр иликтөө жагы Базар-Коргон райондук милициясына тапшырылды.

Алишер ТОКСОНБАЕВ, өз кабарчы