1,368 Бардыгы /

ОШ. ОшМУнун индустриалдык-педагогикалык колледжинде «Улуу Жибек жолунда – тынчтыкка жана достукка жол» аталышындагы семинар-тренинги абдан кызуу жүрүп жаткан маалы.

Аталган иш-чарага ОшМУнун окутуучулары, магистранттары, аспиранттары, студенттери жана Ош, Жалал-Абад, Баткен облустарынын мектеп мугалимдери дагы активдүү катышып жатышат. Бул семинар-тренингдин алкагында анын катышуучулары «Улуу Жибек жолунда – тынчтыкка жана достукка жол» аталышындагы окуу куралы, андагы тынчтыкты куруу жана толеранттуулук боюнча  класстык сааттар менен дагы тыкыр таанышууда. Катышуучулар тренингден алган маалыматтарды өздөрүнүн сабактарында такай колдонушуп, тынчтыкта жана толеранттуулукта жашаганга зарыл көндүмдөрдү окуучуларда калыптандыруу үчүн тажрыйба деле алып жатышат.

– Баса, аталган тренинг  дагы эки күнгө уланып, жыйынтыгында мугалимдер алган билимдерин өзүнүн предметтик сабактарында, класстык сааттарында кандай интеграциялайт ошол боюнча көрсөтмөлүү сабактарды кошо даярдашат. Мунун негизинде сынак жүрүп, жеңүүчүлөр дагы аныкталат, – деди ОшМУнун аталган долбоорунун координатору Мейликан Алтыбаева.

Айтмакчы, жогорудагы семинар-тренинг Европа Биримдиги тарабынан каржыланган «Чек арадагы көп тараптуу диалог Борбор Азиядагы толеранттуулуктун жана тынчтыктын кызыкчылыктары» аттуу консорциум тарабынан жүзөгө ашырылууда.

Алишер ТОКСОНБАЕВ, өз кабарчы