768 Бардыгы /

          ОШ. Түркия мамлекетинин Эгей университетинин профессору Ялчын Алвер ОшТУга атайын иш сапарлап, ЖОЖдун ректор Жанболот Турсунбаевге жолугуп, болочокто биргелешип жүзөгө ашыруучу долбоорлор туурасында кенен-чонон сүйлөштү.

          Сүйлөшүүнүн жүрүшүндө акыркы мезгилиндеги дүйнөнүн бардык

өлкөлөрүндө жүз берип жаткан, мунун ичинде Кыргызстандагы, айрыкча Ош шаарындагы жол тыгындарын азайтуу боюнча долбоордун илимий жактан тастыкталып, коомдо ишке киргизилишине аракет кылуу жөнүндө макулдашылды. Мындан тышкары эки мамлекеттин ортосунда академиялык мобилдүүлүк программасын өнүктүрүү боюнча дагы кызуу сүйлөшүлдү.

          Түркия мамлекетинин Эгей университетинин профессору Ялчын Алвер бул өңүттө өзүнүн илимий баяндамасын дагы жасап, автоунаа багытындагы бир топ долбоорлору менен студенттерди кеңири тааныштырды. Ошондой эле автоунаа жана тейлөө технологиясы факультетинин профессордук-окутуучулук курамы тарабынан иштелип чыккан долбоорлор дагы сунушталды.

          Алишер ТОКСОНБАЕВ, өз кабарчы