1,614 Бардыгы /

Түркиянын президенти Режеп Тайып Эрдоган Швециянын НАТОго кошулуусун Түркиянын Европа Биримдигине (ЕБ) кабыл алынышы менен байланыштырды. Бул тууралуу ал Түндүк Атлантика альянсынын Вильнюста өтө турган саммитинин алдында билдирди.

Швеция НАТОго кошулуу тууралуу арызын былтыр май айында берген. Буга аскердик альянска мүчө бардык 31 мамлекет макулдугун бериш керек. Азырынча Түркия менен Венгрия баш тартып келишет.Расмий Анкара Швециядан өлкөдө жашырынган оппозиция өкүлдөрүн өткөрүп берүүнү талап кылууда.

Эрдоган өз билдирүүсүндө буга чейинки талаптардан баш тартпай турганын кошумчалады. Ал түрк парламенти Швециянын НАТОго мүчө болуусун жактырганга чейин Евробиримдик Түркияга жол ачышы зарыл экенин белгиледи.

Түркия Евробиримдикке кошулуу үчүн 2005-жылдан бери сүйлөшүүлөрдү жүргүзүп келет. 2016-жылдан бери бул жараян дээрлик токтоп турат.

WWW.