1,023 Бардыгы /

ЖАЛАЛ-АБАД. Маңзат жана психотроптук заттарды колдонуу үчүн көмүскө жайды уюштурган жаран кармалды. Бул туурасында Ички иштер министрлигинин басма сөз кызматынан билдиришти.

          Маалыматка караганда, Жалал-Абад облусуна караштуу Сузак районунун аймагындагы Ош-Бишкек жолунун боюнда жайгашкан мейманканалардын биринде сексуалдык кызмат көрсөтүү менен катар маңзат жана психотроптук каражаттарды колдонуу үчүн жай уюштурулгандыгы тууралуу маалымат түшкөн. Аталган факт боюнча Кылмыш-Жаза Кодексинин 160-беренеси «Сойкулукка жана ыпластыкка көмөктөшүү» менен кылмыш иши козголгон.

          Ошентип, тергөө жараянынынг жүрүшүндө бул кылмышка шектүү 30 жаштагы Т. жараны кармалып, Сузак РИИБсынын убактылуу кармоочу жайына киргизилди. Ушул тапта кылмышка тиешеси бар башка адамдарды дагы аныктоо иштери кызуу жүрүп жатат.

          Алишер ТОКСОНБАЕВ, өз кабарчы