1,011 Бардыгы /

ЖАЛАЛ-АБАД. Жалал-Абад облусунда жыландын уусун мыйзамсыз соодалоого далбаса кылышкан. Бул туурасында УКМКнын басма сөз кызматынан билдиришти.

Маалыматка караганда. Ала-Бука районунан караштуу Ала-Бука Айыл Өкмөтүндө чет элдик жаран жана үч кыргызстандык 500 ампуладан ашык уулуу зат Gurza — vipera Leberetna turaniga сатып жаткан жеринен кармалышты. Аталган факт Кылмыш-Жаза Кодексинин 292-беренеси (Сатып өткөрүү максатында күчтүү таасир этүүчү же уулуу заттарды мыйзамсыз жүгүртүү) боюнча катталды.

Айтмакчы. жыландын уусу Кыргызстандын аймагына чектеш өлкөлөрдүн биринен мыйзамсыз алынып келингендиги аныкталды. Ал зат фармакологияда жана медицинада, ошондой эле синтетикалык маңзаттарды өндүрүүдө гана мыйзам чегинде колдонулат. Көмүскө базарда гюрза уусунун 1 граммынын баасы 300 доллардан 600 долларга чейин бааланат.

Алишер ТОКСОНБАЕВ, өз кабарчы