729 Бардыгы /

ОШ. Ири суммадагы пара менен кармалган УКМКнын Ош башкармалыгынын тергөөчүсүнө акыры айып пул салынды. Мындай чечимди Бишкек шаарынын Октябрь райондук соту угузду.

Маалыматка караганда. тергөөнү Башкы прокуратура жүргүздү. Ал жараян бүткөндөн кийин, Ы.Т. Кылмыш-Жаза Кодексинин «Ири өлчөмдө пара алуу» беренеси боюнча айыпталып, 2 миллион сом айыпка жыгылды.  Бишкек шаардык сотунан бул маалыматты ырасташты. Ы.Т. өкүмгө каршы аппеляциялык арыз жазган.

Эске салчу жагдай: быйыл январь айында УКМКнын Оштогу Башкы башкармалыгынын имаратына ИИМдин атайын күчтөрү киришип, өзүнчө операция учурунда атайын кызматтын тергөөчүсү кармалган. Алдын ала маалыматтар боюнча, ал айыпталуучудан 15 миң доллар пара алган экен.

Алишер ТОКСОНБАЕВ, өз кабарчы